«Маё сэрца — з народам Ізраіля». Ціханоўская асудзіла начную атаку Ірана
Беларуская дэмакратычная лідарка бачыць, як вымалёўваецца «вось зла».
14.04.2024 / 18:30
Фота: Офіс Ціханоўскай
«Я рашуча асуджаю напад Ірана на Ізраіль. Маё сэрца — з народам Ізраіля, якому цяпер пагражаюць тыя ж беспілотнікі, якія Расія выкарыстоўвае супраць Украіны. Аўтарытарныя рэжымы аб'ядноўваюцца ў Вось зла. Толькі дзякуючы адзінству і салідарнасці дэмакратычны свет можа спыніць гэтую атаку на свабоду», — напісала Ціханоўская ў твітары.
Сёння ўначы Ізраіль падвергся маштабнай атацы дронамі і ракетамі з боку Ірана, але здолеў перахапіць амаль усе з іх. Удар Ірана стаў адказам на атаку па пасольстве краіны ў Сірыі. Іранскія ўлады паабяцалі нанесці больш магутны ўдар, калі Ізраль зробіць чарговую памылку.