Zavočna buduć sudzić połackaha biznesmiena Zacharava
Śledčy kamitet paviedamiŭ pra zaviadzieńnie śpiecyjalnaj vytvorčaści ŭ dačynieńni da Uładzimira Zacharava. Jamu prapanujecca źjavicca va ŭpraŭleńnie Śledčaha kamiteta pa Viciebskaj vobłaści.
15.04.2024 / 15:21
Fota: forum.gipsyteam.ru
Uładzimiru Zacharavu inkryminujucca čatyry artykuły Kryminalnaha kodeksa:
- č. 3 art. 243 («Uchileńnie ad vypłaty padatkaŭ, zboraŭ»);
- č. 2 art. 243-1 («Uchileńnie ad vykanańnia abaviazkaŭ padatkovaha ahienta pa pieraličeńni padatkaŭ, zboraŭ»);
- č. 1 art. 243-3 («Uchileńnie ad vypłaty strachavych uznosaŭ»);
- art. 369-1 («Dyskredytacyja Respubliki Biełaruś»).
Uładzimir Zacharaŭ u lepšyja svaje časy byŭ bahatym biznesmienam, vałodaŭ vialikaj kolkaściu nieruchomaści ŭ Połacku i Navapołacku. Ale hod tamu, jak paviedamlałasia ŭ dziaržaŭnych ŚMI, u dačynieńni da jaho byli zaviedzienyja try kryminalnyja spravy, a na majomaść nakładzieny aryšt, u tym liku na 68 abjektaŭ nieruchomaści, 23 ź jakich źjaŭlajucca handlovymi centrami.
Pretenzii da Zacharava ŭźnikali adnosna drabnieńnia biznesu, sam jon, nie čakajučy aryštu, źjechaŭ ź Biełarusi.
Viadomy połacki biznesmien raspradaje dziasiatki handlovych abjektaŭ pa ŭsioj Biełarusi