Seks na śmietnicy ŭ centry Minska skončyŭsia dla pary zamiežnikaŭ kryminałkaj
Padarunak na 8 sakavika acanili nie ŭsie.
20.04.2024 / 22:29
U Minsku buduć sudzić muža i žonku, jakija 8 sakavika zajmalisia seksam u centry stalicy. Pra heta raspaviali ahienctvu «Minsk-Naviny» ŭ prakuratury Centralnaha rajona.
Fota nosić ilustracyjny charaktar. Fota: Naša Niva
Para zamiežnikaŭ — uzrostam 39 i 48 hadoŭ — adznačała 8 sakavika ŭ kafe na praśpiekcie Pieramožcaŭ. Kali ŭstanova začyniłasia, jany vyrašyli zaniacca seksam kala śmiećcievych kantejnieraŭ za budynkam.
Adnak intym pabačyli dvoje padletkaŭ. Jany źniali niezvyčajnuju padzieju na śmietnicu na videa. Jano trapiła da supracoŭnikaŭ milicyi, i praź niekalki dzion zamiežnikaŭ zatrymali. Suprać ich raspačali kryminalnuju spravu za złosnaje chulihanstva (hrupavyja dziejańni, jakija hruba parušajuć hramadski paradak i vykazvajuć vidavočnuju niepavahu da hramadstva z vyklučnym cynizmam).
Maksimalnaje pakarańnie pa artykule — šeść hadoŭ pazbaŭleńnia voli. Da suda muž i žonka znachodziacca pad padpiskaj ab niavyjeździe.
Minkult Biełarusi adnios da parnahrafii demanstracyju nietradycyjnych adnosin