Былога палітвязня Рамуальда Улана зноў судзілі за «распаўсюд экстрэмізму»
Як паведамляе тэлеграм-канал «Суды, задержания. Гродно и область», судовы працэс адбыўся 23 красавіка ў судзе Смаргонскага раёна. Ягоны вынік невядомы.
23.04.2024 / 16:37
Былы заснавальнік і выдавец «Новай газеты Смаргоні» ў студзені 2021 года быў асуджаны да 2,5 гадоў «хіміі». Смаргонцу паставілі ў віну тое, што ён нібыта распаўсюдзіў заведама непраўдзівыя звесткі, якія ганьбяць гонар і годнасць міліцыянераў. У мінулым траўні стала вядома, што яго вызвалілі па амністыі.
Пасля выхаду на волю Улана двойчы затрымлівалі — агулам яму прызначылі 10 сутак арышту паводле арт. 19.11 КаАП (распаўсюд экстрэмісцкіх матэрыялаў).
Смаргонец Рамуальд Улан расказаў, за што яго затрымалі на сем сутак
Вызвалілі палітвязня Рамуальда Улана