Za miesiac stała viadoma pra źniknieńnie ŭ Rasii čatyroch biełarusaŭ. I heta tolki z adnoj vobłaści
Homielski pošukava-ratavalny atrad «Simuran» paviedamiŭ pra piaciora mužčyn z Homielskaj vobłaści, ź jakimi źnikła suviaź u Rasii, ź niekatorymi jašče ŭ kancy 2023 hoda. Čatyroch ź ich dahetul šukajuć, piša «Štodzień».
23.04.2024 / 19:16
Havorka idzie, u pryvatnaści, pra Viktara Hramyku z Homiela. Jon moža znachodzicca ŭ Sankt-Pieciarburhu, kudy źjechaŭ u kancy 2023 hoda.
U pačatku 2024 hoda ŭ hetym samym horadzie źnik žychar Vietki Anatol Ciškoŭ.
Žychar Klimaŭki Homielskaha rajona Michaił Samusienka nie vychodzić na suviaź ź lutaha. Jon pracavaŭ u Maskvie.
Historyja žychara Kalinkavičaŭ Siarhieja Rabaka u hetym šerahu staić asabniakom, bo jon źjechaŭ na pracu ŭ Maskvu jašče ŭ dalokim 2008 hodzie.
Niekatorych ludziej u Rasii atrymlivajecca znajści. Tak, žychar Homiela Uładzimir Vińnikaŭ vyjechaŭ va Ufu, adtul patrapiŭ u Kałužskuju vobłaść, a tam suviaź ź im pierarvałasia 14 studzienia. Mikałaj Budźko źnik u listapadzie 2023 hoda. Ciapier ža stała viadoma, što abodva mužčyny žyvyja.
Taksama ŭ sakaviku paviedamlałasia pra źniknieńnie žychara Dobruša Aleha Suhaniaki, jaho taksama ŭžo znajšli. Astatnich usio jašče šukajuć.
U Polščy źnik 34-hadovy biełarus
Niamiecki miljarder, jaki bieź viestak źnik u 2018-m, znajšoŭsia ŭ Rasii. Zdajecca, z kachankaj