Прызначылі новага начальніка ў Вайсковую акадэмію
Начальнікам Вайсковай акадэміі Беларусі указам Лукашэнкі прызначаны генерал-маёр Андрэй Гарбаценка, паведамляе прэс-служба палітыка.
29.04.2024 / 20:36
Андрэй Гарбаценка. Фота: mnsvu.org
Адначасова Гарбаценка вызвалены ад ранейшай пасады начальніка Галоўнай вайсковай інспекцыі Узброеных Сіл, якую ён займаў з ліпеня 2023 года. А да гэтага ён два гады быў начальнікам Мінскага сувораўскага ваеннага вучылішча.
Пасада начальніка Вайсковай акадэміі заставалася вакантнай пасля таго, як Генадзя Ляпешку ў сакавіку прызначылі дэпутатам у Палату прадстаўнікоў.
Жонка пракурорскага начальніка напісала ў КДБ — каб мужа прыбралі з расстрэльнай каманды