Tyktok staŭ całkam dastupny ŭ Rasii — dadatak pracavaŭ z abmiežavańniami z sakavika 2022 hoda

Dadatak Tik Tok znoŭ całkam dastupny ŭ Rasii dla karystalnikaŭ iOS i Android. Karystalniki ŭ Rasii znoŭ mohuć biez abmiežavańniaŭ prahladać roliki i dadavać ułasny kantent, piša TASS.

03.05.2024 / 12:37

6 sakavika 2022 hoda na fonie poŭnamaštabnaha ŭvarvańnia rasijskaj armii va Ukrainu i zakona ab fejkach pra armiju TikTok prypyniŭ stryminh i zabaraniŭ publikacyju kantentu karystalnikam z Rasii. Akramia taho, žycharam Rasii nie pakazvali roliki, stvoranyja ŭ inšych krainach.

Zrešty, bolšaja častka rasijskaj aŭdytoryi praciahnuła karystacca dadatkam praz VPN.

Mnohija rasijskija karystalniki paviedamlajuć, što ŭ ich funkcyjanał dadatku pakul nie pracuje. Śpiecyjalisty miarkujuć, što sacsietka daje dostup chvalami. Adnak dokazaŭ hetamu pakul niama.

U krainach ES dapuścili zabaronu tyktoku

Bajden padpisaŭ zakon, jaki moža zabaranić tyktok

Ci pravilna, kali padletak padaje ŭ sud na baćkoŭ? U tyktoku razharelisia burnyja dyskusii

Nashaniva.com