Сабаленка з вялікай цяжкасцю прабілася ў фінал турніру ў Мадрыдзе
Арына Сабаленка ўчора вечарам ва ўпартай барацьбе абыграла Алену Рыбакіну з Казахстана і выйшла ў фінал тэніснага турніру WTA-1000 у Мадрыдзе.
03.05.2024 / 07:23
Арына Сабаленка. Фота: Asanka Brendon Ratnayake / AP
Першы сэт Арына прайграла 1:6, але затым сабралася і выйграла 7:5, 7:6.
У фінале ў суботу Сабаленка, якая з'яўляецца другой ракеткай свету, згуляе з першай ракеткай свету Ігай Свёнтак.
Арына двойчы выйгравала турнір у Мадрыдзе: у 2021 годзе і ў 2023-м, дзе ў фінале акурат выйграла ў Свёнтак.