U Kryčaŭskim rajonie skrali 18‑mietrovuju vodanapornuju viežu
22.02.2010 / 13:38
Vieža absłuhoŭvała SPK «Malacičy».
«Heta standartnaja vieža, takija zvyčajna stajać pa palach. Kaštuje jana 24 miljony rubloŭ», - raskazaŭ supracoŭnik adździaleńnia infarmacyi i hramadskich suviaziaŭ pry UUS Mahiloŭskaha abłvykankama Raman Posachaŭ.
Viežu vyšynioj z čatyrochpaviarchovy dom žychar Kryčava z tryma saŭdzielnikami sprabavaŭ niezaŭvažna skraści 21 lutaha. Ale toje, što vieža źnikła, zaŭvažyli supracoŭniki SPK, a milicyja znajšła złačyncaŭ u hety ž dzień.
Mietaličnuju viežu raśpiłavali na kavałki hazazvarkaj i źbiralisia pierapravić u Rasiju, kab pradać na mietałałom.