На хвіліну маўчання да польскай амбасады ў Мінску прыйшлі 40 чалавек
Інфармацыя распаўсюджвалася праз Інтэрнэт.
19.04.2010 / 10:49
Інфармацыя распаўсюджвалася праз Інтэрнэт
Людзі сабраліся каля будынка амбасады каля 14.45 у нядзелю. Роўна а трэцяй гадзіне ўсе арганізавана ўсклалі кветкі да будынка амбасады і запалілі свечы. Пасля людзі прачыталі супольную малітву на польскай мове, праспявалі некалькі памінальных песень на беларускай мове.
Большасць з прысутных — моладзь, сябры «Маладога фронту». Ад старэйшага пакалення быў Вячаслаў Сіўчык, адзін з арганізатараў руху «Разам», а таксама спадарыні з КХП БНФ.
Роўна ў гэты ж час у Кракаве пачалася цырымонія пахавання загінулай пад Катынню прэзідэнцкай пары Качыньскіх.