U Minsk prylacieła pieršaja rakietka śvietu Karalin Vaźniacki + fota

U piatnicu jana zhulaje dabračynny matč ź Viktoryjaj Azaranka.

19.11.2010 / 12:56

Viečaram 18 listapada ŭ biełaruskuju stalicu prybyła pieršaja rakietka śvietu Karalin Vaźniacki. Siońnia razam ź lepšaj tenisistkaj Biełarusi Viktoryjaj Azaranka jana praviadzie dabračynny matč i aŭkcyjon, na jakim buduć vystaŭleny hulniavyja rakietki i spartyŭnaja ekipiroŭka spartsmienak.

Tenisistki naviedajuć Respublikanski centr dziciačaj ankałohii i hiematałohii ŭ Baraŭlanach, kudy buduć pieradadzieny sabranyja srodki, a taksama praviaduć dla balelščykaŭ aŭtohraf-siesiju i daduć majstar-kłas junym vychavancam biełaruskich tenisnych škoł.

Dabračynny matč Vaźniacki i Azaranka pačniecca siońnia ŭ 17.30 u Pałacy sportu.