Źnik Cimoch Atroščankaŭ, brat Alaksandra
29.01.2011 / 18:06
Zatrymany i źviezieny ŭ nieviadomym kirunku Cimafiej Atroščankaŭ — brat źniavolenaha pavodle kryminalnaj spravy ab masavych biesparadkach 19 śniežnia Alaksandra Atroščankava, presavaha sakratara kandydata na prezidenta Andreja Sańnikava.
Namieśnica kiraŭnika kamitetu «Salidarnaść» Enira Branickaja paviedamiła, što Cimafiej Atroščankaŭ patelefanavaŭ svajoj siabroŭcy i paviedamiŭ, što jaho viazuć u Maskoŭski RUUS, a potym jahony telefon staŭsia niedastupnym.
Siabry i blizkija ciaham troch hadzin telefanavali ŭ Maskoŭski RUUS, u izalatar na Akreścina i inšyja miescy źniavoleńnia, adnak jahonaje miesca znachodžańnia dahetul nieviadomaje.