Estonija ŭvodzić kryminalnuju adkaznaść za vykarystańnie savieckaj symboliki
Turemnym źniavoleńniem ci štrafam mohuć pakarać i biełaruskich zaŭziataraŭ, što pryjeduć u Talin na matč futbolnaj zbornaj z čyrvona-zialonymi ściahami.
30.11.2006 / 14:31
U Estonii praduhledžvajecca ŭviadzieńnie kryminalnaj adkaznaści za publičnaje vykarystańnie i raspaŭsiud symboliki «akupacyjnych režymaŭ».
Zhodna z zakonaprajektam, padrychtavanym Ministerstvam justycyi Estonii, «demanstracyja i raspaŭsiud aficyjnaj symboliki byłoha SSSR, i sajuznych respublik, a taksama symboliki Nacyjanał-sacyjalistyčnaj rabočaj partyi Niamieččyny i vojsk SS budzie razhladacca jak raspalvańnie varažniečy i padlahaje kryminalnamu pakarańniu.
Pad dziejańnie ŭkazu traplajuć adpaviednyja ściahi, hierby, znaki adroźnieńnia dy inšaja aficyjnaja symbolika, źviazanaja z akupacyjnymi režymami».
Za vykarystańnie symboliki SSSR i nacysckaj Niamieččyny praduhledžvajecca, u zaležnaści ad abstavinaŭ, pakarańnie ŭ vyhladzie hrašovaha štrafu albo turemnaha źniavoleńnia.
Jurydyčnyja asoby mohuć być aštrafavanyja na sumu da 50 tys. kron (kala €3,2 tys.).
Zhodna z rašeńniem uradu, zakonaprajekt pieradajecca dla abmierkavańnia ŭ parlament Estonii.
Atrymlivajecca, što pad dziejańnie ŭkazu mohuć trapić i biełarusy, jakija pryjechali, naprykład, u Talin z čyrvona-zialonymi ściahami padtrymać svaich spartoŭcaŭ na čarhovy futbolny matč. Pakul palicyja raźbiarecca, što kramolny ściah nie 1951 h, a 1995 h.