Албанія — Беларусь — 1:0
Албанцы атрымалі шанец пазмагацца за 2-е месца ў групе.
27.03.2011 / 00:20
У матчы адборачнага турніру чэмпіянату Еўропы 2012 года зборная Беларусі (галоўны трэнер -- Бернд Штанге) саступіла ў Тыране камандзе Албаніі з лікам 0:1 (Саліхі, 62).
Лік мог быць і большым, каб не беларускі галкіпер Сяргей Верамко ды беларускія штангі й перакладзіна.
Сёння ў нашай адборачнай групе Боснія атрымала валявую перамогу над Румыніяй — 2:1, а ў пятніцу Францыя выйграла ў гасцях у Люксембурга 2:0.
Становішча камандаў: Францыя — 12 (5 гульняў), Беларусь — 8 (5, розніца мячоў 3–1), Албанія — 8 (5, 4–4), Боснія — 7 (4), Румынія — 2 (4), Люксембург — 1 (5).
29 сакавіка ў нашай групе згуляюць Румынія і Люксембург, у гэты ж дзень падапечныя Бернда Штанге згуляюць таварыскі матч са зборнай Канады, гульня пройдзе ў Турцыі.
Свой наступны матч у адборачным турніры беларусы правядуць 3 чэрвеня ў Мінску супраць Францыі.
У фінальную частку чэмпіянату Еўропы выходзіць пераможца групы, каманда, што зойме 2-е месца, пазмагаецца за пуцёўку ў накаўт-раўндзе.