Смаргонскага актывіста выклікалі ў міліцыю
20.04.2011 / 11:22
Уладзімір Шульжыцкі зараз знаходзіцца ў Смаргонскім РАУС. Учора ўвечары ў ягонай кватэры быў зроблены ператрус: канфіскаваны дзве пнеўматычныя стрэльбы і адзін пнеўматычны пісталет.
Сам Шульжыцкі падчас ператрусу дома не прысутнічаў, паколькі зараз працуе і жыве ў Маладзечне. З яго слоў, яму затэлефанавала маці і паведаміла пра ператрус, а таксама пра тое, што сёння з раніцы ён павінен з'явіцца ў пастарунак.
Уладзімір Шульжыцкі здзіўлены, што ў яго канфіскавана пнеўматычная зброя, паколькі, з яго слоў, дагэтуль яе непатрэбна было рэгістраваць і можна было свабодна набыць у спартовых крамах.