А.Лукашэнка лічыць немэтазгодным выкладаньне рэлігіі ва ўсіх ВНУ
Прэзыдэнт заявіў, што ва ўзаемадачыненьнях паміж дзяржавай і царквой ён падтрымлівае палітыку прагматызму.
21.12.2006 / 18:18
Прэзыдэнт Беларусі заявіў, што ва ўзаемадачыненьнях паміж дзяржавай і царквой ён падтрымлівае палітыку прагматызму.
Сёньня на сустрэчы з членамі сыноду Беларускай праваслаўнай царквы А. Лукашэнка падкрэсьліў важнасьць устрымацца ад няўзважаных крокаў у гэтай сфэры. Як зазначыў прэзыдэнт, можна ўвесьці ва ўсіх ВНУ курс рэлігіязнаўства, набудаваць храмаў, аднак гэта можа выклікаць у грамадзтве негатыўную рэакцыю.
Пры гэтым прэзыдэнт дадаў, што ў Беларусі ўдалося ў пляне рэлігіі практычна за дзесяцігодзьдзе прайсьці шлях, які іншыя ідуць стагодзьдзямі.
Фота з сайту Прэзыдэнта Рэспублікі Беларусь