Жыхаркі Мінска спрабуюць адбіць затрыманых на Прывакзальнай плошчы пратэстоўцаў - фотафакт
03.07.2011 / 22:09
Некалькі сотняў чалавек узялі ўдзел у акцыі пратэсту на Прывакзальнай плошчы ў Мінску. Каб стлуміць пратэст, тыпы ў цывільным затрымалі не менш за 120 чалавек. У некаторых выпадках жыхары Мінска аказвалі ім супраціў. У тыпаў у цывільным былі ўвушшу схаваныя навушнікі, многія з іх былі брытагаловымі. Яны кідалі людзей у аўтазакі, якія вывозілі затрыманых у райаддзелы міліцыі.