Начны раман з камянём
«Раман з камянём» Робэрта Зэмэкіса
Складальніца мэлядрамна-прыгодніцкіх раманаў Джаан трапляе ў закалоты, якім бы пазайздросьцілі й пэрсанажы ейных душразьдзіральніцкіх кніжак.
04.01.2007 / 12:39
ЗША, 1984, каляровы, 105 хв.
Рэжысэр: Робэрт Зэмэкіс
Ролі выконваюць: Кэтлін Тэрнэр, Майкл Дуглас, Дэні Дэ Віта, Зэк Норман, Альфонса Араў.
Жанр: Прыгоды
Адзнака: 7,5 (з 10)
Складальніца мэлядрамна-прыгодніцкіх раманаў Джаан трапляе ў закалоты, якім бы пазайздросьцілі й пэрсанажы ейных душаразьдзіральніцкіх кніжак. Аднойчы ў кватэры Джаан раздаецца званок: сястра гераіні скрадзеная і трэба імчацца ў Калюмбію вызваляць яе.
У Калюмбіі – дзікія жывёлы, гангстэры, кепскія вайскоўцы, пазакапаныя скарбы – і раман з камянём.
Першая камэрцыйная стужка Робэрта Зэмэкіса ёсьць бадзёрай постмадэрновай гульнёй – і выбітным сямейным фільмам. Хаця пасуе карціне й начны паказ. «Раман з камянём» – шчэ й любоўная гісторыя.
Намінацыя на "Оскар" за найлепшы мантаж.
Стужка мае працяг "Пэрліна Нілу".