Žychary Mazyra skrali 12 ton cukru, što mielisia zavieźci ŭ chojnickuju kramu
01.08.2011 / 11:57
Supracoŭniki milicyi na terytoryi Chojnickaha rajona 29 lipienia zatrymali dva aŭtamabili, jakija pieravozili biez supravadžalnych dakumientaŭ bujnyja partyi cukru.
Jak paviedamili ŭ pres-słužbie UUS Homielskaha abłvykankama, cukar u papiarovych pakietach i palimiernych miaškach ŭ kolkaści bolš za 12 ton na sumu bolš 61 młn. rubloŭ byŭ adpuščany sa składa handlovaj bazy Chojnickaha rajspažyŭabjadnańnia dla realizacyi ŭ mahazinach Chojnickaha rajona.
Supracoŭniki Chojnickaha RAUS vyśvietlili, što cukar byŭ pieradadzieny dvum žycharam Mazyra. U mahaziny jany tavar nie zavieźli, a transpartavali jaho ŭ nieviadomym kirunku. Dzie mazyranie mierkavali zbyć cukar i čamu jon byŭ im pieradadzieny, ustaluje pravierka.