У ЗША тыбецкія манахі выпусцілі ў акіян 534 лобстары ў гонар гадавіны першай пропаведзі Буды
05.08.2011 / 09:39
У ЗША група тыбецкіх манахаў выпусціла ў воды Атлантычнага акіяна 534 лобстары ў гонар святкавання чарговай гадавіны з моманту першай пропаведзі Буды.
Тыбецкія манахі лічаць, што ў гэты дзень любая добрая справа памнажаецца ў некалькі разоў.
Такі рытуал, купляючы на рынках дарагіх марскіх насельнікаў, тыбецкія манахі ў ЗША здзяйсняюць па некалькі разоў на год. Такая ж традыцыя існуе і ў Індыі, дзе ўдзельнікі цырымоніі выкупляюць падрыхтаваных для бойні авечак і коз і адпускаюць іх на волю.
«Нават калі іх зноў зловяць, яны атрымаюць асалоду ад жыцця да таго, як гэта
адбудзецца», — сказаў дырэктар цэнтра па вывучэнні будызму ў Бостане.
Цырымонія адбылася за некалькі метраў ад шыльды кавярні, якая запрашала наведнікаў паспрабаваць абед з лобстараў усяго за $15,99.