Źnižeńnie rejtynhu abydziecca ZŠA ŭ $100 miljardaŭ za hod
08.08.2011 / 10:45
Vydatki ŭrada ZŠA na absłuhoŭvańnie dziaržaŭnaha doŭhu pavialičacca prykładna na $100 miljardaŭ u hod u vyniku źnižeńnia suvierennaha rejtynhu ZŠA.
Pa aficyjnych dadzienych Minfina ZŠA, vypłata pracentaŭ pa ŭsich vidach daŭhavych abaviazacielstvaŭ pry raniejšym najvyšejšym kredytnym rejtynhu abychodziłasia biudžetu ŭ 2010-m finansavym hodzie ŭ $414 miljardaŭ ci 2,7% da vałavaha ŭnutranaha pradukta. Adpaviedna,
paśla panižeńnia rejtynhu nahruzka na biudžet vyraście prykładna na čverć.
Analityki čakajuć, što źnižeńnie rejtynhu adabjecca, u svaju čarhu, na padaražeńni kredytaŭ dla amierykanskich kampanij, a taksama pavialičyć nahruzku na šarahovych pazyčalnikaŭ. U pryvatnaści, čakajucca pavyšeńnie kredytnych stavak pa ipatečnych pazykach, kupli aŭtamabilaŭ u kredyt, a taksama bolš vysokija staŭki pa kredytnych płastykavych kartkach.