Мінкультуры Беларусі аб'яўляе тэндар на вытворчасць рэкламных ролікаў для кінафестываляў
16.08.2011 / 14:28
Дэпартамент па кінематаграфіі Міністэрства культуры Беларусі аб’яўляе тэндар на вытворчасць рэкламных ролікаў (заставак).
Рэкламныя ролікі прызначаны для Мінскага міжнароднага кінафестывалю «Лістапад», Рэспубліканскага фестывалю беларускіх фільмаў, які пройдзе ў Брэсце, а таксама Міжнароднага фестывалю анімацыйных фільмаў «Анімаёўка» ў Магілёве.
Як растлумачылі ў Міністэрстве культуры, ролік (застаўка) — гэта візітная картка кінафестывалю для дэманстрацыі на тэлебачанні, плазменных экранах хронаметражом не большым за 20 секунд. Ролік павінен стылістычна адлюстроўваць асаблівасці таго ці іншага фестывалю.
Прапановы высылаць на адрас: 220004, г. Мінск, пр. Пераможцаў, 11–1112,
Тэрмін падачы заявак — з 15 жніўня да 15 верасня 2011 года.-0-