Banknoty z vyjavaj Kadafi ŭ soniečnych akularach vyklučać z abaračeńnia ŭ Livii

13.09.2011 / 09:22

Livijskija banki damovilisia vyklučyć z abaračeńnia banknotu z vyjavaj eks-lidara Muamara Kadafi.
Pra heta paviedamlaje 20 Minuten sa spasyłkaj na infarmacyjnaje ahienctva SDA.

Jak paviedamiŭ u paniadziełak pradstaŭnik Nacyjanalnaha kamiercyjnaha banka ŭ Trypali, usie banknoty z vyjavaj Kadafi płanujecca sabrać i pieradać u Centrabank Livii.

Banknota ŭ 50 livijskich dynaraŭ (prykładna $40) maje najbolšuju kaštoŭnaść u krainie.

Na kupiury vyjaŭleny Muamar Kadafi ŭ soniečnych akularach i svajoj tradycyjnaj vopratcy. Banknota była ŭviedzienaja ŭ abaračeńnie ŭ 2008 hodzie ŭ honar čarhovaj hadaviny pačatku praŭleńnia Kadafi.

Vyjava Kadafi taksama jość na banknocie naminałam u adzin dynar, adnak nieviadoma, ci budzie kanfiskavanaja z abaračeńnia i jana.

Livijcy vitali rašeńnie bankaŭ pra skasavańnie valuty,
adznačaje vydańnie.