Pačobut u čakańni čarhovaha sudu
20 vieraśnia ŭ Hrodzienskim abłasnym sudzie — razhlad kasacyjnaj skarhi žurnalista.
18.09.2011 / 13:24
Hetym razam 20 vieraśnia ŭ Hrodzienskim abłasnym sudzie adbudziecca razhlad jaho kasacyjnaj skarhi — heta 16 staronak drobnym drukam, dzie padrabiazna apisany ŭsie parušeńni prava z boku KDB i prakuratury, paviedamlaje žurnalist:
— Dastatkova doŭha, jak bačna, sprava visieła ŭ pavietry, tamu što zvyčajna heta razhladajecca na praciahu miesiaca. Tut, pa nieviadomych pryčynach, prajšło ŭžo kolki času, tamu ja vielmi zadavoleny, što usio-tki budzie hety razhlad. Pierš za ŭsio tamu, što paśla prysud budzie ŭžo pravamocny. Na siońniašni moant ja znachodžusia pad padpiskaj ab nievyjeździe. Ja — aktyvist Sajuza palakaŭ, jak adzin ź jaho kiraŭnikoŭ. Mnie vielmi składana było toje, što ja nie moh udzielničać u mierapryjemstvach, jakija arhanizavalisia pa-za Hrodnam. Paśla 20 vieraśnia, niezaležna ad taho, jaki budzie vynik, ja zmahu heta rabić.
5 lipienia žurnalist Andžej Pačobut byŭ asudžany na try hady pazbaŭleńnia voli z adterminoŭkaj vykanańnia prysudu na dva hady. Pačobuta apraŭdali pa častcy 1 artykuła 368 (abraza prezidenta Biełarusi) i pryznali vinavatym pa častcy 1 artykuła 367 (paklop u dačynieńni da prezidenta) Kryminalnaha kodeksa.