U aŭtorak projdzie ahulnaharadzki baćkoŭski schod
Praź Internet.
26.01.2007 / 19:45
Ahulnaharadzki baćkoŭski schod u vyhladzie internet-forumu projdzie ŭ stalicy 30 studzienia z 15.00 da 16.30.
Hetaki adukacyjny čat pravodzicca ŭ Miensku ŭžo druhi raz. Sioletni budzie pryśviečany temie «Siamja i škoła — partnery ŭ vychavańni zdarovaha ładu žyćcia». Internet-most budzie naładžany na bazie Mienskaha haradzkoha dziaržaŭnaha instytutu pavyšeńnia kvalifikacyi i pierapadrychtoŭki kadraŭ adukacyi, siarednich škołaŭ № 131 i 145. Taty i mamy mienskich školnikaŭ na sajcie IPK zmohuć zadać pytańnie specyjalistu nakont azdaraŭleńnia, sanitarnych normaŭ u škole, baraćby z razumovymi nahruzkami i druhich chvalujučych temach i adrazu atrymać kvalifikavany adkaz.
U anłajn-schodzie voźmuć udzieł pradstaŭniki Kamiteta adukacyi Mienharvykankamu , ustanoŭ achovy zdaroŭja.