Palicyja nie dała zachapić Uoł-stryt

Aryštavana 70 udzielnikaŭ maršu pratestu

16.10.2011 / 10:08

Prykładna 70 udzielnikaŭ akcyi «Zachapi Uoł-stryt» byli aryštavanyja ńju-jorkskaj palicyjaj za parušeńnie hramadskaha paradku. 45 čałaviek byli zatrymanyja niepasredna na płoščy, astatnija — u addzialeńni «Sicibanka» u rajonie Vašynhton-skviera.

Demanstranty ŭ Ńju-Jorku prajšli maršam ad parku Zukoci ŭ Nižnim Manchetenie ŭ napramku Tajms-skvier. U akcyi pryniali ŭdzieł prykładna 5 tysiač čałaviek.

Pratestoŭcy skandavali: «My atrymali rasprodaž, banki atrymali vyručku» i «Zajmi Uoł-stryt!»

Adna žančyna atrymała traŭmu: jana niaŭdała ŭpała, kali konnaja palicyja pasprabavała začyścić pratestoŭcaŭ ad Tajms-Skvier.

Častka demanstrantaŭ uvarvałasia ŭ pamiaškańnie fiłijała «Sicibanka», raźmieščanaha ŭ rajonie Vašynhton-skviera.

Supracoŭniki banka doŭha i biespaśpiachova prasili ich pakinuć budynak, paśla čaho vyklikali palicyju. Pa ich słovach,

vizit niaprošanych haściej apynuŭsia «vielmi razburalnym».

Maršy pad nazvaj «Zachapi Uoł-stryt» prajšli i ŭ šerahu inšych haradoŭ ZŠA. Piać tysiač čałaviek sabralisia ŭ rajonie Sici-choł ŭ Łos-Andželesie, 2 tysiačy čałaviek pratestavali ŭ Pitsburhu.

Chvala masavaha niezadavolenaści mierami žorstkaj ekanomii i «prahnaściu karparacyj» prakaciłasia ŭ subotu i ŭ noč na niadzielu pa ŭsim śviecie.