Корбан і Хведарук на свабодзе
Увечары ў сераду маладафронтаўцаў выпусьцілі пад падпіску пра нявыезд.
07.02.2007 / 20:57
Сёньня ўвечары (каля паловы на восьмую) выпусьцілі на волю маладафронтаўцаў Зьмітра Хведарука і Алега Корбана.
Яны былі затрыманыя 4 лютага і трое сутак знаходзіліся ў адзіночных камэрах менскай "амэрыканкі" - турмы КДБ.
Аднак артыкул 193 Крымінальнага кодэксу (удзел у незарэгістраванай арганізацыі), паводле якога хлопцы праходзяць падазраванымі, не прадугледжвае ўтрыманьня пад вартай. Прайшло трое сутак, Хведарука і Корбана выпусьцілі пад падпіску аб нявыезьдзе да суду.