MZS pakul nie maje aficyjnaha pacvierdžańnia, što ŭ Padmaskoŭi zahinuli biełarusy
Takija źviestki dajuć rasijskija pravaachoŭnyja orhany.
19.12.2011 / 19:02
Jak paviedamili karespandentu «NN» u pres-słužbie MZS, viedamstva pakul nie vałodaje aficyjnym pacvierdžańniem taho, što zahinuŭšyja i paciarpiełyja ŭ vyniku pažaru ŭ Padmaskoŭi źjaŭlajucca hramadzianami Biełarusi.
Nahadajem, što 18 śniežnia ŭ Maskoŭskaj vobłaści na pažary zahinuli 6 čałaviek. Trahiedyja zdaryłasia ŭ vioscy Hłuchava Krasnahoskaha rajona na terytoryi budaŭničaj placoŭki, dzie vyrablalisia kinapaviljony dla kampanii «Hałaŭkino» režysiora Fiodara Bandarčuka. A 4-j hadzinie ranicy zaharelisia vosiem adnapaviarchovych draŭlanych bytovak, paviedamiła MNS Maskoŭskaj vobłaści. Płošča pažaru skłała kala 80 kv.m. Pažarnyja zmahalisia z ahniom bolš za hadzinu.
Pa infarmacyi rasijskaj palicyi, jakuju raspaŭsiudzili ŚMI, zahinuŭšyja źjaŭlalisia hramadzianami Biełarusi.