Мастак Лімонаў заявіў пра датычнасць да выбухаў у Беларусі

Сваёй заявай ён хоча замарудзіць выкананне расстрэлу Канавалава і Кавалёва.

27.12.2011 / 15:02

Удзельнік арт-групы «Ліпавы цвет» Дзяніс Лімонаў звярнуўся да генеральнага пракурора Беларусі Канюка. У сваім лісце ён адзначае, што «арт-група «Ліпавы цвет» спяшае паведаміць Вам аб сваёй датычнасці да тэрактаў у Мінску 2008 года (дакладную дату не помнім), 14 верасня 2005-га, 22 верасня 2005-га — у Віцебску і 11 красавіка на станцыі мінскага метро «Кастрычніцкая».

Яны «гатовыя прадставіць поўную інфармацыю аб нашых сувязях з тэрарыстычнымі групамі, якія вядуць сваю дзейнасць на тэрыторыі еўрапейскіх краін».

Гэтым лістом Лімонаў хоча, каб было адноўлена хаця б фармальнае расследаванне па справе Канавалава-Кавалёва. І такіч чынам мяркуе замарудзіць выкананне расстрэлу Канавалава і Кавалёва.