БРСМ цэнзураваў «валянцінкі»

У Віцебску мінакам раздавалі загадзя нарыхтаваныя сардэчкі і прапаноўвалі напісаць на іх прызнаньні ў каханьні. Тэарэтычна прызнацца можна было каму заўгодна. Аднак тут на стэндзе зьявіліся «валянцінкі» Паўлу Севярынцу.

15.02.2007 / 17:45

Учора, 14 лютага, БРСМ паставіў каля віцебскага амфітэатру стэнд з чырвона‑зялёнымі сардэчкамі. Мінакам раздавалі загадзя нарыхтаваныя сардэчкі і прапаноўвалі напісаць на іх прызнаньні ў каханьні.

Тэарэтычна прызнацца можна было каму заўгодна. Аднак калі на стэндзе зьявіліся «валянцінкі», адрасаваныя Паўлу Севярынцу (на адной было напісана «Павал Севярынец — лепшы хлопец на Беларусі», а на другой — «Свабоду Паўлу Севярынцу»), хтосьці з бээрэсэмаўсцаў неўпрыкмет зьняў «крамольныя» сардэчкі са стэнду.

Паводле «Народных навінаў Віцебску»