Лябедзька паабяцаў распавесьці пра арышт Дзянісава Кандалізе Райс
Cёньня мусіла адбыцца сустрэча арыштаванага з адвакатам, аднак яна сарвалася праз занятасьць сьледчага.
28.02.2007 / 21:00
Cёньня мусіла адбыцца сустрэча арыштаванага з адвакатам, аднак яна сарвалася праз занятасьць сьледчага.
Адвакатам у Дзяніса Дзянісава прызначаны Пётар Каваленка, былы супрацоўнік пракуратуры. Сёньняшняя сустрэча з арыштаваным Дзянісам Дзянісавым не адбылася сарвалася праз занятасьць новапрызначанага сьледчага. Яна перанесеная на заўтрашнюю раніцу. Абвінавачваньне хлопцу па‑ранейшаму не прад’яўленае.
Нагадаем, што Дзянісава затрымалі 16 лютага ў Гомелі, ад 25‑га ён знаходзіцца ў віцебскім СІЗА‑2. Толькі ўчора хлопец атрымаў ад маці перадачу.
Тым часам лідэр АГП Анатоль Лябедзька, які ў складзе групы апазыцыйных палітыкаў знаходзіцца зь візытам у ЗША, паабяцаў распавесьці пра арышт Дзяніса Дзянісава Кандалізе Райс.