Перамагалі толькі госці

Вызначыліся ўсе паўфіналісты Кубка Беларусі па футболе.

18.03.2012 / 17:08

17 і 18 сакавіка прайшлі матчы ¼ фіналу Кубка Беларусі па футболе. Ва ўсіх перамаглі намінальныя госці.

«Ліда» (першая ліга — Д2) — «Нафтан» — 1:2, СКВІЧ (Д2) — «Мінск» — 2:3, «Брэст» — «Гомель» — 1:2, «Клечаск» — «Нёман» — 0:6 (гэты матч прайшоў у Гродне, хоць гаспадаром і лічыўся «Клечаск»).

Такім чынам, у паўфінал выйшлі «Нафтан», «Мінск», «Нёман» і дзеючы ўладальнік кубка «Гомель». Матчы 1/2 фіналу пройдуць у красавіку.