Расійскія дэсантнікі на беларускіх вучэннях
Будуць адпрацоўвацца пытанні ўзаемадзеяння сіл спецаперацый Беларусі і паветрана-дэсантных войскаў Расіі.
16.04.2012 / 15:10
17—19 красавіка на палігоне ў Гродзенскай вобласці пройдуць паказныя вучэнні з адным з батальёнаў 103-й асобнай мабільнай брыгады сіл спецыяльных аперацый Узброеных сіл Беларусі. Як паведамілі БелаПАН у прэс-службе Міністэрства абароны, у вучэннях возьме ўдзел падраздзяленне 76-й дэсантна-штурмавой дывізіі Узброеных сіл Расіі з Пскова.
Будуць адпрацоўвацца пытанні ўзаемадзеяння сіл спецыяльных аперацый Беларусі і паветрана-дэсантных войскаў Расіі як паміж сабой, так і з іншымі родамі войскаў.