Navukoŭcy paskoryli Wi-Fi u 10 razoŭ

Japonskija navukoŭcy pabili rekord chutkaści pieradačy dadzienych z dapamohaj biespravadnych technałohij, dasiahnuŭšy pakazčykaŭ u 3 Hbit/s pry vykarystańni častaty 542 Hhc.

17.05.2012 / 09:14

Takaja chutkaść pieradačy dadzienych pieravyšaje mahčymaści najaŭnych bytavych Wi-Fi-kanałaŭ u 10 razoŭ.

Dla pieradačy infarmacyi navukoŭcy vykarystoŭvali tak zvanyja T-pramiani, jakija pracujuć u terahiercavym dyjapazonie. Da niadaŭniaha času najaŭnyja technałohii ich prymianieńnia byli darahimi, da prablem adnosili pavyšanaje spažyvańnie enierhii. Heta nie dazvalała vykarystoŭvać raspracoŭki ŭ smartfonach i inšych pryładach, dla jakich aktualnaja biespravadnaja suviaź.

Da minusaŭ T-pramianioŭ, jakija ŭžo vykarystoŭvajucca ŭ miedycynskich pryborach, adnosiać ich niazdolnaść pranikać skroź mietał i vadu, a taksama nieabchodnaść ustalavańnia pryjomapieradatčykaŭ u zonie niepasrednaj bačnaści, paviedamlaje BBC.

Navukoŭcy ŭpeŭnienyja, što budučyja terahiercavyja moduli Wi-Fi, kali jany buduć vykarystoŭvać T-pramiani, zmohuć pracavać u nievialikim dyjapazonie da 10 mietraŭ, adnak chutkaść pieradačy dadzienych budzie dasiahać u pierśpiektyvie 100 Hbit/s. Heta amal u 15 razoŭ chutčej u paraŭnańni sa standartam 802.11ac, jaki raspracoŭvajecca ciapier.