Унітаз «Прэзідэнт» — фотафакт

17.05.2012 / 11:53

Кампакт-унітаз з назвай «Прэзідэнт» прадаецца ў адной з кіеўскіх крамаў сантэхнікі, паведамляе Gazeta.ua.

Цана яго 837 грыўняў (каля 850 тысяч рублёў).

Вытворца — адна з польскіх кампаній, афіцыйны прадстаўнік ва Украіне — фірма з Жытомірскай вобласці.

На сайце кампаніі-вытворцы прапануецца аж 7 розных відаў унітазаў пад назвай «Прэзідэнт».

Кожны жадаючы можа выбраць гэты цуд сантэхнікі на свой густ: ад падвясных «прэзідэнтаў» да кампакт-унітазаў.

«Прэзідэнты» адрозніваюцца ад іншых якаснай і белай керамікай, таму даражэйшыя.

Людзі часта смяюцца, прачытаўшы назву, адзначаюць прадаўцы.

Тое, што ва Украіне такое магчыма, сведчыць пра пэўны ўзровень дэмакратыі.

СМ