Novy ŭłaśnik «Biełtecheksparta» ni razu nie fihuravaŭ u navinach i nie z’iaŭlajecca zasnavalnikam nivodnaj jurasoby

Chto taki Dźmitryj Hurynovič, jaki nabyŭ kampaniju Piefcijeva, dahetul niezrazumieła.

31.05.2012 / 15:44

Zahadkavy «rasijski miljanier» Dźmitryj Hurynovič, jaki kupiŭ eksparciora biełaruskaj zbroi «Biełtechekspart» u miljardera Uładzimira Piefcijeva, praciahvaje budaražyć biznes-koły. Adkul jon uziaŭsia?

Da ŭčorašniaj uhody Hurynovič ni razu nie fihuravaŭ u navinach i nie z’iaŭlajecca zasnavalnikam nivodnaj jurydyčnaj asoby.

Nahadajem, pavodle aficyjnaj viersii, jon z’iaŭlajecca vypusknikom i aśpirantam Rasijskaj akademii narodnaj haspadarki i dziaržaŭnaj słužby pry prezidencie Rasii.

Adnak pavodle infarmacyi «Biełaruskaha partyzana»,

Hurynovič ŭ pačatku 2000-ych hadoŭ byŭ daradcam Piefcijeva ŭ kampanii Velcom. Aproč taho, jaho nazyvajuć plamieńnikam staršyni Nacbanka Nadziei Jermakovaj.

Nieviadoma, adkul u internet-sajta hetaja infarmacyja i ci praŭdzivaja jana.

Vydańnie davodzić, što kupla «Biełtecheksparta» — fiktyŭnaja ŭhoda. Źmiena ŭłaśnika ŭ kampanii moža dazvolić vyvieści Uładzimir Piefcijeva sa śpisa nievyjaznych, u jakich jon trapiŭ za padtrymku režyma Alaksandra Łukašenki.

JaM