Zatrymany kiraŭnik BISS Alaksiej Pikulik
Jon znachodzicca na Akreścina, u piatnicu — sud.
31.05.2012 / 23:04
Kala 18:00 31 maja ŭ Minsku byŭ zatrymany akademičny dyrektar Biełaruskaha instytuta stratehičnych daśledavańniaŭ (Vilnia), prafiesar Jeŭrapiejskaha univiersiteta ŭ Sankt-Pieciarburhu Alaksiej Pikulik. Jamu inkryminujuć drobnaje chulihanstva.
Ab akaličnaściach zatrymańnia Pikulika pakul ničoha nie viadoma. Pa źviestkach advakata, z Centralnaha RUUS jaho adpravili ŭ Centr izalacyi pravaparušalnikaŭ na vulicy Akreścina.
Infarmacyju ab tym, što zatrymany znachodzicca mienavita tam, pacvierdziła i jaho maci - joj patelefanavali ź izalatara na chatni telefon i paviedamili, što Alaksiej znachodzicca ŭ ich.
Chutčej za ŭsio, sudovy razhlad adbudziecca 1 červienia ŭ sudzie Centralnaha rajona.
6 krasaviku ŭ Pikulika zabrali pašpart. U toj dzień jaho mašynu spynili supracoŭniki DAI i zapatrabavali prajści va UUS Centralnaha rajona dla praviadzieńnia pracedury apaznańnia. Akademičnaha dyrektara BISS zapadozryli tady va ŭdziele ŭ bojcy i padrobcy dakumientaŭ. Na padstavie apošniaha padazreńni ŭ jaho i zabrali dakumienty.