Беларусы сталі есці меней рыбы

27.06.2012 / 21:07

У 2011 годзе фактычнае спажыванне рыбы і прадуктаў мора ў Беларусі склала 12,6 кілаграма на аднаго чалавека ў год, што на 6,7% менш, чым у 2010 годзе (13,5 кг).
Такія звесткі паведамілі ў прэс-службе Нацыянальнага статыстычнага камітэта да Сусветнага дня рыбалоўства, які адзначаецца сёння.

Разам з тым у Белстаце адзначылі, што нормамі рацыянальнага спажывання прадуктаў, зацверджанымі Міністэрствам аховы здароўя, прадугледжана,

што чалавек у сярэднім павінен спажываць рыбы і прадуктаў мора ад 16 да 24 кілаграмаў у год.