На Радыяльнай у Мінску асвятляльная мачта звалілася на дарогу
14.07.2012 / 18:29
На вуліцы Радыяльнай ў Мінску асвятляльная мачта правалілася скрозь мост.
Рух тралейбусаў быў паралізаваны.
Выпадак адбыўся ў 11:48 у суботу. У выніку падзення на праезную частку апоры мачты вулічнага асвятлення на Радыяльнай адбылося адключэнне кантактнай сеткі і спыненне руху тралейбусаў маршрутаў № 33, 34, 35, 41Д на пуцеправодзе (мост над чыгуначнымі шляхамі) перад вул. Запарожская.
Перапынак у працы тралейбусаў склаў 34 хвіліны.
Прычына падзення апоры мачты вулічнага асвятлення -- старэнне металічных канструкцый апоры.