Bi-Bi-Si viarnułasia da spravy Kavalova i Kanavałava i stavić pad sumnieŭ Interpoł

Karespandent naviedaŭ maci pakaranaha śmierciu Uładzisłava Kavalova.

30.07.2012 / 17:07

Pazicyja Hienieralnaha sakratara Interpoła Ronalda Noŭbła, jaki padtrymaŭ viersiju aficyjnaha Minska, padviarhajecca surjoznaj krytycy, piša Bi-Bi-Si. «Na adras biełaruskaha KDB hučać abvinavačvańni va ŭstanoŭcy bomby, praviadzieńni pakaznoha sudu i vybivańni śviedčańniaŭ z dapamohaj katavańniaŭ», — piša Bi-Bi-Si.

Radyjo adznačaje, što interpołaviec Ronald Noŭbł padtrymaŭ aficyjnuju liniju biełaruskich uładaŭ i ŭ zajavie Interpołu pa śledstvu było adznačana, što «śledstva było praviedziena prafiesijna, a aryšt Dźmitryja Kanavałava i Uładzisłava Kavalova pastaviŭ kropku ŭ pytańni, chto adkazny za vybuch».

Žurnalist Bi-Bi-Si Džon Śvini naviedaŭ Luboŭ Kavalovu ŭ Viciebsku i źmianiŭ svajo mierkavańnie nakont krasavickaha teraktu. Žančyna paviedamiła zamiežnamu reparcioru, što KDB pastajanna sočyć za joj.

Kavalova pa-raniejšamu miarkuje, što ŭ dziaržaŭnych abvinavaŭcaŭ niama nivodnaha jaŭnaha dokazu suprać jaje syna. Jana nahadvaje pra niezvyčajnuju chutkaść zatrymańnia, śledstva, suda. Jana ličyć, što i jaje syna, i Kanavałava katavali.

«Ronald Noŭbł moža nie bajacca adnoj biełaruski, ale dziakujučy joj mnohija ludzi zasumniavalisia ŭ spraviadlivaści biełaruskaha pravasuddzia», — padsumovaŭvaje reparcior.

Apovied z padarožža brytanca ŭ Biełaruś možna pačuć u pieradačy BBC Radio 4 «Katavańni ŭ CHCHI stahoddzi» (na anhlijskaj movie).

nn.by