Ekipaž DAI trapiŭ u surjoznaje DTZ u časie pahoni za parušalnikam u Minsku + fota

Inśpiektary atrymali surjoznyja traŭmy.

22.08.2012 / 14:06

Ekipaž DAI trapiŭ u surjoznaje darožna-transpartnaje zdareńnie padčas pahoni za parušalnikam, paviedamiŭ pres-sakratar HUUS Minharvykankama Alaksandr Łastoŭski.

Siońnia kala 4.30 u Kastryčnickim rajonie Minska kiroŭca Volkswagen Polo nie spyniŭsia na patrabavańnie inśpiektaraŭ DAI i kinuŭsia naŭcioki.
Pačałasia pahonia. Nieŭzabavie da jaje dałučyŭsia ekipaž DAI Maskoŭskaha rajona.
U niejki momant, prajazdžajučy pa vulicy Čyhunačnaj, inśpiektar u «Ładzie Pryjora» nie spraviŭsia z kiravańniem, i aŭtamabil ŭrezaŭsia aśviatlalnuju mačtu. Kiroŭca i jašče adzin inśpiektar u sałonie aŭtamabila atrymali surjoznyja traŭmy.
Z paškodžanaha aŭtamabila ich vyciahnuli ratavalniki pry dapamozie hidraŭličnaha instrumienta, paśla čaho inśpiektaraŭ terminova dastavili ŭ balnicu chutkaj dapamohi.
Parušalnika zatrymali na praśpiekcie Lubimava. Jon byŭ pjany — u jaho kryvi miedycynski ahlad vyjaviŭ 1,77 pramile.
«Bolš za toje, u zatrymanaha nie było pravoŭ kiroŭcy, a raniej jon byŭ sudzimy i adbyvaŭ pakarańnie za zabojstva», — raspavioŭ Alaksandr Łastoŭski.