Łukašenka pavinšavaŭ Janukoviča z Dniom Niezaležnaści

24.08.2012 / 10:38

Alaksandr Łukašenka pavinšavaŭ prezidenta Ukrainy Viktara Janukoviča z nacyjanalnym śviatam — Dniom Niezaležnaści.

Łukašenka adznačyŭ, što «za hady suvierenitetu dźviuch krain biełaruska-ŭkrainskija adnosiny nabyli sapraŭdy stratehičny charaktar». «Razam z tym patencyjał dvuchbakovaha supracoŭnictva daloka nie vyčarpany», — miarkuje jon.

«Upeŭnieny, što dalejšaje pašyreńnie plonnych družalubnych suviaziej u roznych halinach, napaŭnieńnie ich novym źmiestam adpaviadajuć karennym intaresam našych dziaržaŭ i narodaŭ», — padkreśliŭ kiraŭnik biełaruskaj dziaržavy.