BDTU, internat № 2: «Zasielać, tolki kali prahałasuješ»
Studenty z usioj krainy praciahvajuć paviedamlać pra «ideałahičnaje zabieśpiačeńnie vybaraŭ».
20.09.2012 / 09:07
Paviedamlaje čytač Čeł: «BDTU, internat № 2. Chodziać pa pakojach i prosiać napisać dzień, kali budzieš hałasavać, i pastavić podpis. Kažuć, što tym, chto hałasuje daterminova, propuski ŭ subotu stavicca nie buduć. Darečy, niekatoryja viaducca na hety vychodny. Jašče: bolšaj častcy studentaŭ internat dali tolki na 2 miesiaca, dyk kamienda kaža, što daść infu, ci zasielać ciabie na ŭvieś čas, tolki paśla taho jak prahałasuješ. Pra dyskateku ŭžo, zdajecca, pisali…»
Čamu narod hvałtam honiać na daterminovaje hałasavańnie? Bo ŭ falsifikataraŭ jość nieabmiežavanyja mahčymaści dla padmieny biuleteniaŭ i nakrutki ličbaŭ jaŭki ŭ noč pierad apošnim dniom hałasavańnia. Inšaha tłumačeńnia hetaj isteryi niama.