200 hadoŭ «Biarezinie»: u Barysaŭskim rajonie pierapachavali 200 sałdat francuzskaha vojska — fotafakt
02.11.2012 / 15:49
Vystupaje Mišel Reniery.
2 listapada na mohiłkach vioski Studzionka Barysaŭskaha rajona, u francuzskaha miemaryjała, pryśviečanaha vajnie 1812 hoda i pierapravie praz raku Biarezina armii Napaleona, adbyłosia pierapachavańnie pareštkaŭ 110 napaleonaŭskich sałdat.
Astanki byli znojdzieny ŭ červieni hetaha hoda
Razam z pradstaŭnikami Minskaha abłvykankama, Barysaŭskaha i Łahojskaha rajvykankamaŭ u žałobnaj cyrymonii pryniaŭ udzieł pasoł Francyi ŭ Biełarusi Mišel Reniery.
«Heta miesca vielmi važna dla francuzaŭ, — skazaŭ dypłamat žurnalistam. — Dla Francyi «Biarezina» aznačaje «katastrofa», bo tut, jak vy viedajecie, zahinuła šmat ludziej. <…> My nie viedajem dakładna, chto spačyvaje tut, viedajem tolki, što heta sałdaty Napaleona.
A jakoj nacyjanalnaści — biełarus, palak ci francuz — nam nieviadoma. Ale heta i nie tak važna — važna, što heta sałdaty, vykonvali svoj abaviazak.Važnaja ideja novaj Jeŭropy, u jakoj my siońnia žyviem. Žyviem u śviecie — i heta zasłuha i sałdat, jakija spačyvajuć tut».