У Баранавічах замянілі чырвона‑зялёны на бел‑чырвона‑белы
14.05.2007 / 16:54
Супрацоўнікі міліцыі горада Баранавічы абвінавацілі актывіста незарэгістраванай арганізацыі «Малады фронт» Яраслава Грышчэню ў дробным хуліганстве.
Падставай для складаньня адміністрацыйнага пратаколу стаў відэазапіс зроблены сёньня ўначы. Камэра зафіксавала як маладафронтавец на будынку баранавіцкай адміністрацыі замяніў дзяржаўны сьцяг нацыянальным – бел‑чырвона‑белым.
У другой палове дня Яраслава Грышчэню адпусьцілі пасьля складаньня пратаколу за дробнае хуліганства.