A.Łukašenka zapatrabavaŭ źnizić košty budaŭnictva žylla
Prezydent Biełarusi zapatrabavaŭ skancentravać namahańni na źnižeńni koštu budaŭnictva žylla i ŭkaranieńni enierhaźbierahalnych technalohij u žyllovym budaŭnictvie.
15.05.2007 / 15:42
Prezident Biełarusi zapatrabavaŭ skancentravać namahańni na źnižeńni koštu budaŭnictva žylla i ŭkaranieńni enierhaźbierahalnych technałohij u žyllovym budaŭnictvie. Adpaviednaje daručeńnie Alaksandr Łukašenka daŭ siońnia, prymajučy z płanavaj spravazdačaj staršyniu praŭleńnia Nacyjanalnaha banka Piatra Prakapoviča. Ab hetym BIEŁTA paviedamili ŭ pres‑słužbie kiraŭnika dziaržavy.
Prezident asabliva padkreśliŭ nieabchodnaść vykarystańnia prahresiŭnych technałohij i pakvaternaha aciapleńnia. Ab tym, jak vyrašajucca hetyja pytańni, urad i Nacyjanalny bank dałožać kiraŭniku dziaržavy da 1 žniŭnia.
Piotr Prakapovič prainfarmavaŭ Alaksandra Łukašenku ab tym, jak vykonvajucca daručeńni pa žyllovamu budaŭnictvu ŭ Biełarusi — kiraŭnik Nacbanka kuryruje hetu śfieru ekanomiki. U biahučym hodzie ŭ respublicy staić zadača ŭvieści ŭ stroj žylla na 500 tys. kv.m bolš, čym u 2006 hodzie, a taksama značna pavialičyć kolkaść kvater, pryznačanych dla «čarhavikoŭ».