Na Astravieččynie strajkujuć mechanizatary
U SVK «Varniany» strajkujuć mechanizatary. Jany damahajucca zvalnieńnia kiraŭnika kaaperatyvu.
21.05.2007 / 20:13
U SVK «Varniany» Astravieckaha rajonu (Haradzienskaja vobł.) strajkujuć mechanizatary. Jany damahajucca zvalnieńnia kiraŭnika kaaperatyvu.
Mechanizatary sielskaha kaaperatyva «Varniany» Astravieckaha rajonu Haradzienskaj vobłaści siońniania abvieścili strajk i admovilisia vychodzić u pole. Pratest vyklikany nibyta niezakonnymi zvalnieńniami, niavypłatami premijaŭ i ŭrazańniami zarobkaŭ. Pa ich słovach usio heta šyroka praktykujecca kiraŭnictvam SVK. 43 mechanizatary patrabujuć, kab kiraŭnik kaaperatyvu Ŭładzisłaŭ Ruk padpisaŭ zajavu ab zvalnieńni.
Siońnia da strajkoŭcaŭ pryjazdžała delehacyja z rajonu — načalnik Astravieckaha RUUS, namieśnik kiraŭnika ŭpraŭleńnia sielskaj haspadarkaj Astravieckaha rajvykankama i niekalki čałaviek u cyvilnym. Mechanizataraŭ uhavorvali viarnucca da pracy, abiacajučy vyrašyć ich pytańnie. Adnak zapeŭnivańni nie padziejničali, strajkoŭcy vyrašyli nie vychodzić na pracu i zaŭtra.