У абарону Горадні падпісаўся кожны трохсоты
Пракурору вобласьці актывісты кампаніі «Выратуем Горадню ад разбурэньняў» сёньня перадалі зварот, які падпісалі 789 чалавек.
29.05.2007 / 14:21
Пракурору Гарадзенскай вобласьці Васілю Літвінаву актывісты кампаніі «Выратуем Горадню ад разбурэньняў» сёньня перадалі зварот, які падпісалі 789 чалавек. У ім зьвяртаецца ўвага на парушэньні, дапушчаныя падчас рэканструкцыі цэнтральнай часткі Горадні.
Як паведаміў нам Павал Мажэйка, раней у абласную пракуратуру была накіраваная скарга ад некалькіх актывістаў. Праўда, пракуратура пераслала яе ў Міністэрства культуры.
Цяперашні зварот абгрунтаваны заканадаўча, утрымлівае спасылкі на дакумэнты, зазначыў спадар Мажэйка.
Сёньня да абеду каля дзесяці маладых актывістаў прыйшлі да паравога млына ў цэнтры гораду, які працягваюць разбураць. Дамаўляліся па тэлефоне. На месцы маладзёнаў чакалі дзьве міліцэйскія машыны, і актывісты мусілі рэціравацца.