U Horadni pačałasia paźmiennaja vachta dla abarony histaryčnych budynkaŭ
Hramadzkaść horadu pačała systematyčnaje paźmiennaje dziažurstva kala pryznačanaha da znosu budynku kanca XIX st.
05.06.2007 / 15:59
Hramadskaść Hrodna pačała sistematyčnaje paźmiennaje dziažurstva kala pryznačanaha da znosu budynka kanca XIX stahoddzia na vulicy Uryckaha, 5. Pra heta paviedamiŭ BiełaPAN adzin z aktyvistaŭ kampanii ŭ abaronu histaryčnaha centra Hrodna Aleś Zaleŭski.
Pavodle jaho słoŭ, z dvuchpaviarchovaha cahlanaha žyłoha budynka, što znachodzicca ŭ histaryčnym centry horada, užo vysielili ludziej, adklučyli haz i elektryčnaść, pačali raźbirać dach. "Adzinaje, što strymlivaje ŭłady ad nieadkładnaha znosu budynka - heta dziejańni moładzi i adsutnaść inviestara, jaki b pažadaŭ układvać kapitał u budaŭnictva na miescy žyłoha doma. Kaardynacyjny kamitet kampanii "Vyratujem Hrodna" skancentravaŭ svaju ŭvahu na abaronie hetaha budynka, archirejskaj stajni kanca XVIII - pačatku XIX stahoddzia, na miescy jakoj praduhledžvajecca ŭźviadzieńnie pravasłaŭnaj carkvy, a taksama staroha mosta cieraź Nioman. Na dniach jaho źbirajucca zakryć na rekanstrukcyju i pašyreńnie, u vyniku čaho rezka pavialičycca patok mašyn i nahruzka na histaryčny centr Hrodna", - skazaŭ A.Zaleŭski.
Aprača taho, pavodle jaho słoŭ, aktyvisty kampanii raspaŭsiudžvajuć pa horadzie infarmacyjnyja materyjały, što raspaviadajuć ab płanach uładaŭ pa znosie histaryčnych budynkaŭ u centry horada i dziejańniach hramadskaści.
Nahadajem, što da 10 červienia hramadskaść Hrodna płanuje zacvierdzić śpis členaŭ inicyjatyŭnaj hrupy dla praviadzieńnia miascovaha refierendumu pa prablemach horadabudaŭnictva i achovy histaryčnaha centra horada. Dla hetaha nieabchodna sabrać podpisy 10% vybarščykaŭ Hrodna (kala 20 tysiač čałaviek). Padrychtoŭčuju pracu płanujecca zaviaršyć da 10 červienia, paśla čaho ŭ Hrodzienski harvykankam budzie pieradadzieny śpis členaŭ inicyjatyŭnaj hrupy i pytańni, što vynosiacca na miascovy refierendum.
Kala hetaha budynka viadziecca vachta