Стварэньне Саюзу левых сіл: дубль два
У найбліжэйшы час у Беларусі плануецца правесьці ўстаноўчую канфэрэнцыю Саюзу левых партый.
25.06.2007 / 17:36
Нагадаем, што 22 лістапада 2006 года Партыя камуністаў Беларуская, Беларуская сацыял‑дэмакратычная партыя (Грамада) і Беларуская партыя жанчын «Надзея» падпісалі ў Мінску дэкларацыю аб стварэнні Саюза левых партый. 17 снежня 2006 года ўстаноўчая канферэнцыя саюза прайшла ў Чарнігаве (Украіна), паколькі ў Мінску ў арганізатараў узніклі праблемы з арэндай памяшкання.
У лютым Міністэрства юстыцыі адмовіла СЛП у рэгістрацыі, спасылаючыся на тое, што паводле беларускага заканадаўства палітычныя партыі не маюць права арганізоўваць і праводзіць мерапрыемствы на тэрыторыі іншых дзяржаў. Спроба СЛП аспрэчыць гэтае рашэнне была беспаспяховай: 13 красавіка Вярхоўны суд адмовіў прадстаўнікам саюза ў іску да Мінюста.
Такім чынам, адзначыў А.Ляўковіч, устаноўчую канферэнцыю СЛП «неабходна прадубляваць у Беларусі». Плануецца, што ў ёй возьмуць удзел тыя ж суб’екты, што і ў Чарнігаве.
А.Ляўковіч таксама паведаміў, што на пасяджэнні Цэнтральнага камітэта БСДП (Грамада) 23 чэрвеня была прынята пастанова аб Саюзе левых партый. У ёй адзначаецца, што саюз павінен дзейнічаць як складнік аб’яднаных дэмакратычных сіл, каардынаваць дзеянні левых у розных сферах грамадскага і дзяржаўнага жыцця. Пры гэтым партыі, што ўваходзяць у саюз, павінны захоўваць самастойнасць у адпаведнасці са сваімі статутамі.